Сценыште Медведево, Звенигово, Волжский, Оршанке, Параньга районла да Йошкар-ола гыч фольклор ансамбль-влак выступатлат. Эстраде мурызо-влак калыкым куандарат. Республик кӱкшытыштӧ эртыше «Кинде уло – муро лиеш» онлайн конкурсын иктешлымашыже эрта. Сеҥыше-влакым пӧлек дене кумылаҥдат.

Тиде жапыштак ял озанлык министерстве ончерым эртара. Тыште шурновечыште погымо пырчым ончалаш лиеш. Тыгак кинде дене кылдалтше конкурс да модыш-влак эртат.

Толшо уна-влаклан кидвакш дене шурным йоҥышташ йӧн лиеш. Фольклор ансамбль ожнысо шурным ыштен налме йӱлам ончыкта. Пайрем кумылым налаш чыландамат вучена.