Кажныже калыкын илышыште кугу верым налеш. «Кинде пукша, йӱкта, илаш туныкта», – ойлат калыкыште. Конкурсант-влак шке войзымаштышт марий калык пале, ойӧрӧ, тушто, калык да марий спектакльла гыч муро дене сӧрастареныт, киндын рецептше, коҥгаш пыштыме ожнысо арвер дене палдареныт. Видеом ончышо-влак писте гыч ыштыме кинде шӱдыш, пу кольмо да моло арвер-влакым ужын кертыт.

Конкурсыш ушнышо-влак коклаште сеҥыше-влакым палемдыме:

I вер – Юлсер кундемысе Карай ялысе рӱдӧ тӱвыра пӧрт пеленысе калык театрже (вуйлатыше Васильева Надежда Николаевна);

II вер – Жилкина Галина Николаевна, Куженер районысо Старсела ялысе тӱвыра пӧрт;

III вер – Васильева Татьяна Ивановна, Провой кундемысе Чакмарий тӱвыра да каныме рӱдер.

«Марий йӱлам жаплыше» номинацийыште палемдалтыныт:

– Кузнецова Лидия Егоровна, Оршанке районысо Чирки ялысе тӱвыра пӧрт;

– Васюкова Текуса Вячеславовна, Курыкмарий районысо Йылъял тӱвыра пӧрт (вуйлатыше – Нестерова С.Г.);

– Юлсер кундемысе Памар кыдалаш школын 8 классыште тунемшыже-влак Александрова Ульяна, Тихонова Карина, Чернова Ольга, Шулепова Анастасия (вуйлатыше – Яковлева Наталья Ивановна);

– Терехова Надежда Ибаевна, У Торъял районысо Немда ялысе тӱвыра пӧрт (вуйлатыше – Терехова Роза Витальевна);

– Морко районысо Изи Кугунур ялысе тӱвыра пӧрт пеленысе «Ӱшӱт сем» фольклор ансамбль (вуйлатыше – Васильева И.Н., программын авторжо – Александрова Лидия Александровна).

Конкурс ончыктыш: марий калыкын курым гыч курымыш аралалтше, илыш вашталтме дене уэмдалт шогышо пайремнам кызытсе тукым жаплен ила, ожнысо калык ойым эскерен-шуктен ила.