Тудо Российысе калык-влакын тӱвыраштын идалыкшылан пӧлеклалтеш да «2013-2025 ийлалан Марий Элын кугыжаныш национальный политикыже» республикысе кугыжаныш программым илыш шыҥдарыме кышкарыште эртаралтеш.

Организаторжо-влак – Марий Элын Тӱвыра, савыктыш да калык-влакын пашашт шотышто министерствыжын полшымыж дене республикысе Марий тӱвыра рудер да «Марий Эл Республикын КВН-же» регионысо мер организаций.

Фестивальыш Йошкар-Ола, Марий Элын районлаж гыч кеч-могай организацийын командыже ушнен кертеш. Кызытеш Марий кугыжаныш университетын, Волжский, Шернур, Морко районла гыч команде-влак кумылым ончыктеныт.

Участник-влак кок конкурслан ончылгоч ямдылалтшаш улыт: иктыже – 5-7 минуташ приветствий, весыже – «Тӱвыра поянлык – ӱвыра поянлык огыл» мӧҥгысӧ паша.

Йодмашым Марий тӱвыра рӱдерын mari-centr_konkurs@mail.ru электрон почтышкыжо колтыман. Чыла йодышым 8 (8362) 45-88-51 телефон дене рашемдаш лиеш.