1 гыч 8 ноябрь марте «Кугу этнографий диктант» Российысе сотемдарыше акций индешымше гана эрта. Тудо Калык-влакын икоян улмо кечыштлан пӧлеклалтеш.
Российыште да йот эллаште илыше-влак мемнан элыште илыше калык-влакын эртыкышт, тӱвырашт да йӱлашт нерген шке шинчымашыштым терген кертыт. Этнодиктантым руш, англичан да испан йылме дене возаш лиеш.
Мероприятий офлайн да онлайн форматыште эрта. Онлайн йӧным кучылтын возышо-влак йодыш-влаклан 3 гыч 8 ноябрь марте www.miretno.ru официал сайтыште вашмутым пуат, тыгодым «Пройти Диктант» вкладкым темдалман.
16 ияш марте ийготан-влак 20 общефедеральный йодышлан вашмутым пуат, 16 ияш деч кугурак-влак 30 йодышлан вашештат. Тышеч 20 йодышыжо общефедеральный, 10 – жо Российысе кажне субъект дене кылдалтше лийыт. Йот элыште ушнышо-влак шке элыштышт Россий дене кылдалтше вершӧр-влак нерген серат.