Марафон Марий Эл Республикыште илыше тӱрло калык-влак кокласе келшымаш кылым пеҥгыдемда. Тушко марий кундемысе калыкле-тӱвыра автономий ден ушем-влак ушнат. Марий, руш, татар, армян, азербайджан, еврей, украин, дагестан калык-влакым уша. Тыгак Марий кугыжаныш университетын энергетический факультетын командыже ушна. Марафон кум тур дене эрта, кажне турын – шке темыже: 1-ше – Лӱмлӧ еҥ-влак», 2-шо – «Йылме да сылнымут», 3-шо – «Калык-влакын йӱлашт да традицийышт». «Мунло» уш-акыл марафоным Марий Эл Республикын Тӱвыра, савыктыш да калык-влакын пашашт шотышто министерствын полшымыж дене Республикысе марий тӱвыра рӱдер эртара.