Таҥасымаш Марий Эл Республикыште калык-влак кокласе кылым пеҥгыдемдымашке виктаралтын. Тушко марий кундемысе калыкле-тӱвыра автономий ден ушем-влак ушненыт. Марий, руш, татар, азербайджан, чечен, дагестан, армян ӱдыр-эргышт-влак Российыште да СССР-ыш пурышо эллаште илыше калыкын йӱлашт, историйышт, сылнымутышт да лӱмлӧ еҥышт нерген йодыш-влаклан вашештеныт. Нунын дене пырля Марий кугыжаныш университетын энергетический факультетын икымше курсышто тунемшыже-влак ушненыт.

Марий калыкнан чапшым Марий калык конгрессын еҥже-влак араленыт.   «Конгрэссмэн» командыште лийыныт: Эдуард Иманаев, Юрий Соловьев, Александр Петров, Светлана Носова, Эльвира Петрова да Ирина Шибанаева.

Таҥӱчаш годым сеҥыше лийшашак! «Мунло» марафон ончыктен: гран-прим «Луговые горцы» интернационал команде налын. Икымше верыш кок тӱшка лектын. Тиде – «Конгрэсмэн» да «Алга»татар команде-влак.

«Двуглавый орел» руш команде кокымшо, «Арарат» армян команде кумшо верым налыныт.

МарКУ-н марафонецше-влак участникын дипломжо дене палемдалтыныт.

Марий Эл Республикын тӱвыра, савыктыш да калык-влакын пашашт шотышто министерствын полшымыж дене Республикысе марий тӱвыра эртарен.