Регион-влак кокласе «Ача-ава дене пырля» конкурс Ешын идалыкшылан пӧлеклалтын. Тушто 12 ияш марте ийготан йоча-влакым куштышо еш-влак шке вийым терген кертыт. Таҥӱчаш марий йылме дене эрта.
Конкурс кум тур гыч шога. Икымшыште «Мыйын ешем» темылан визит карточкым ямдылат. Кокымшо таҥӱчашыш йоча-влак ушнат, «Ача-авамлан» пӧлеклем» тапырыште ача-ачаштым йӧратыме кумылыштым почеламутым сылнын лудмо, куштымаш да муро гоч почын пуэн кертыт. Кумшо тапырыште ача-ава-влак шке уш-акылыштым, мастарлыкыштым ончыктат.
Конкурсыш ушнаш йодмашым 15 ноябрь марте mari-centr_konkurs@mail.ru электрон адресыш колтыман. Лекше йодышым (8362) 45-88-51 номер дене рашемдыш лиеш.
Мероприятий 30 ноябрьыште Калык тӱвыра пӧртыштӧ (Первомайский урем, 109 пӧрт) эрта.