29 ноябрьыште Йошкар-Олаште Калыкле тӱвыра пӧртыштӧ марий КВН команде-влакын фестивальышт лиеш. Мероприятий 18 шагатлан тӱҥалеш.
КВН-ым Марий Элын Тӱвыра, печать да калык-влакын пашашт шотышто министерствыжын полшымыж дене Марий тӱвыра рӱдер эртара.
Фестивальыш кеч-могай организацийын командыже ушнен кертеш. Кызытеш ЙошкарОла гыч «10 КА» (капитан Игорь Попов), «Кечан кече» (капитан Валентина Семенова), тыгак Пошкырт кундем Мишкан села гыч «МММ» (капитан Алексей Ибулаев) команде-влак кумылым ончыктеныт.
Йолташ, марий КВН-ш ушнаш да мыскараче кумылдам ончыкташ нимыняр неле огыл: пого командым, Положений дене келшышын, заданий-влаклан ямдылалт да 20 ноябрь марте йодмашым рӱдерын mari-centr_konkurs@mail.ru электрон почтышкыжо колто.
А заданий-влак Ешын идалыкше теме дене кылдалтше улыт.