Марий тӱвыра рӱдер 25 ияш лӱмгечыжым концерт дене палемда. Тиде лӱмгече – Марий Элыште илыше-влакын веле огыл, Российысе регионлаште илыше марий-влакын пайремже.
13 декабрьыште В.И. Ленин лӱмеш тӱвыра полатыште вашлийына. Рӱдер пеленсе чыла коллективын сеҥымашыже нерген пален налаш лиеш. Тыгак Марий Эл, Пошкырт да Виче кундемла гыч фольклор, мурышо да куштышо ансамбль-влак, посна мурызо-шамыч шке мастарлыкыштым ончыктат, марий тӱвыраште, калык да эстраде муро аланыште шумо кӱкшытым сцене гоч почын ончыктат.
Пайрем концерт 18.30 шагатлан тӱҥалеш.