Таче мемнан эн йöратыме, эн сай пайрем – Аван кечыже. Тиде кечын ме нунылан эн поро деч поро мутым ойлена, чыла сайым тыланена.
Российыште икымше гана Аван кечыжым Петроградыште 1915 ий 1 декабрьыште палемдыме. Но тиде сай тӱҥалтышым чыла калык авалтен огыл, варажым мондалтын. 1990-шо ийлаште Кугыжаныш Думын ӱдырамаш, еш да самырык тукым комитетше тиде кечым кумдан палемдаш инициативе дене лектын. Пайремын цельже — ӱдырамашым перегыме да аралыме йӱлам шараш, еш илышым пеҥгыдемдаш да кажне айдемын тӱҥ еҥжылан – АВАЛАН – кугу тӱткышым ышташ. Тунамсе Президент Борис Ельцин тудым сайлан шотлен да 1998 ийыште пунчалым луктын.
Кугыжаныш кӱкшытыштӧ тиде пайрем ноябрьын пытартыш рушарняжын эртаралтеш.
Российыште Аван кечыжын символжо – незабудко. Тиде пеледыш йӧратымашым, ныжылгылыкым ончыктат.
Авана, кована-влак, пайремда дене шокшын-шокшын саламлена. Изи икшывыланат, кугурак ийготан, шке еш дене илышыланат аван поро шомакше, поро каҥашыже эре кӱлеш. Ава сайлан гына туныкта, вурса гынат, туныктен вурса, шыдыжат икымше гана вочшо лум семын вашке шула. Таза лийышт, эн шергаканна-влак. А ме нунылан пашана, илышна да полшен шогымына дене илышыштым куштымлемдена. Кужу ӱмыран, пиалан лийза, Авана-шамыч!