Таче М. Шкетан лӱмеш марий кугыжаныш драме театрын шочмо кечыже.
М. Шкетан лӱмеш Марий кугыжаныш драме театрын пашажлан негызым 1919 ийын пыштыме. Ошламучаш ялын драме кружокшо негызеш почмо Марий калыкын икымше куснылшо театрже туныктышо-энтузиаст-влак А.Д. Белков ден И.П. Беляевын (Ошламучаш Йыван) тыршымышт дене 29 ноябрьыште Сенькан ялысе школышто Тыныш Осыпын «Закон шумлык» пьесыж почеш икымше спектакльым модын ончыктен.
Тиде 105 ий ончыч лийын. Марий театр ты жапыште тӱрлӧ йыжыҥым эртен, репертуарже да паша йӱлаже пойдаралтын. Кызыт – кугу усталыкан еҥ-влакым ушышо профессионал коллектив. Театрыште тыршыше кажне пашаеҥ марий тӱвыранам, шочмо йылмынам пойдарымаште кугу надырым пышта.
Пагалыме йолташ, коллеге-влак! Саламлена тендам театрын лӱмгечыже дене! Тӱвыргӧ паша лектышым тыланем, шонымашда да сомылда ик кӱкшытыштӧ лийышт.