30 ноябрьыште Калык тӱвыра пӧртыштӧ «Ача-ава дене пырля» конкурс эртаралтеш. Тудо Ешын идалыкшылан пӧлеклалтын. Мероприятий 12 шагатлан тӱҥалеш.
Таҥӱчашыш Йошкар-Ола гыч Некрасовмытын, Захаровмыт, Звенигово район гыч Толстовмыт, Морко район гыч Петровмыт, Цветниковмыт, Михайловмыт, Медведево район гыч Ятмановмыт, Пайгишевмыт, Юнусовмыт, У Торъял район гыч Садовинмыт да Куженер район гыч Петуховмыт еш-влак ушнат.
Таҥӱчаш марий йылме дене эрта, кум тур гыч шога. Икымшыште «Мыйын ешем» темылан визит карточкым ямдылат. Кокымшо, «Ача-авамлан» пӧлеклем», турышто йоча-влак эн шергаканыштым йӧратыме кумылым почеламутым сылнын лудмо, куштымаш да муро гоч почын пуат. Кумшо турышто ача-ава-влак шке уш-акылыштым, мастарлыкыштым почын пуат.