10 декабрьыште Марий тиште кече палемдена.
Марий тиште кечым кугыжаныш пайрем семын 1998 ий гыч палемдаш тӱҥалме. Кӱшнӧ палемдыме ийын, 18 ноябрьыште, Марий Эл Президентын кӱштыкшӧ дене келшышын, тиде пайремым кажне ийын телын 10 кечынже пайремлат.
Кугыжаныш пайрем кечын «Мунло» уш-акыл марафоным эртарымаш поро йӱлаш савырнен. Тудым марий тӱвыра рӱдер эртара. Тений тиде модмашыш 12 команде ушна. Нуным марий меръеҥ, журналист, районласе туныктышо ден тӱвыра пашаеҥ-влак чумыреныт.
Кум тур дене эртыше «Мунло» марафонышто марий йылме, йӱла, сылнымут, кумдан палыме еҥ-влакын лӱмышт дене кылдалтше йодыш-влаклан раш да чын вашмутым тыгай команде-влак кычалаш тӱҥалыт:
— Морко район гыч «Чолпан» (капитан Аркадьева Нина Вениаминовна),
— Йошкар-Ола гыч марий ӱдырамаш ушемын «Саскавий» (капитан Байкова Галина Ильинична), «Серызе» (капитан Петров Александр Алексеевич), «Югорно» (капитан Григорьев Геннадий Владимирович), «Ленин проспект» (капитан Михеева Валентина Сергеевна),
— Параньга район гыч «Матародо кундем» (капитан Морозова Алена Вячеславовна),
— Советский район гыч «Кундыш шÿдыр» (капитан Яншитова Роза Юрьевна),
— У Торъял район гыч «Торъял» (капитан Смирнова Лиана Владимировна),
— Куженер район гыч «Чумбылат» (капитан Богданова Светлана Платоновна),
— Волжский район гыч «Юлсер» (капитан Никифорова Надежда Геннадьевна),
— Звенигово район гыч «Волгыдо сескем» (капитан Максимова Любовь Викторовна),
— Медведево район гыч «Маскасола кундем» (капитан Кошкина Надежда Валерьевна).