10 декабрьыште Марий Элыште Марий тиште кечым кумдан палемдыме.
Тудын пайремлыме кышкарын ик ужашыже «Марий тиште кечым пайремлымашын ик ужашыже «Шочмо йылме — Авамландылан негыз: ожнысо да кызытсе жап» эксперт каҥашымаш лийын. Тудым Марий тувыра рӱдерын пашаеҥже, Марий Элын калык писательже Зоя Дудина вӱден.
В. Васильев лӱмеш Йылмым, сылнымутым да историйым шымлыше марий институтын пашаеҥже, историй науко кандидат Сергей Свечников моткоч оҥайын буква дене возымо деч ончыч шочшо возыктыш: тамга, тиште, шотлымо бирке, возымо йӧн-влак – нерген каласкалышт.
Филологий науко кандидат, доцент Олег Сергеев XVIII-XIX курымлаште кид дене возымо мутер-влак шотышто шке шонымашыжым почын. Россий да марий лингвист Андрей Чемышев цифровой туныктымо этнотӱвыра ресурс дене палдарен. РФ писатель ушемын генеральный директоржо Василий Дворцов кеч-могай калыкын литературжо кусарыме гоч аралалт кодеш манме шонымашым почын ойлен.