Марий Элыште «Марий теле» фестиваль эрта. Мероприятий-влак шуматкече да рушарня еда тӱвыра, туныктыш да спорт тӧнежлаште, уремысе аланлаште лийыт.
Республикысе марий тӱвыра рӱдер фестивальым эртарыме жапыште «У ий кож воктен» лӱман вич мероприятийым ямдыла. Нуно Марий Элын тӱҥ кожшо воктене эртат.
Программыште: «Чон оҥгыр», «Падыраш», «У муро» усталык коллектив ден тыгак посна мурызо-влакын выступленийышт, теле модмаш, кож йыр куштымаш, Йӱштӧ Кугыза да Лумӱдырын саламлымашышт.
Мероприятий-влакым эртарыме расписаний тыгай:
21 декабрь 12.00 гыч 13.00 шагат марте;
22 декабрь 12.00 гыч 13.00 шагат марте;
30 декабря 18.00 гыч 19.00 шагат марте;
11 январь 12.00 гыч 13.00 шагат марте;
12 январь 12.00 гыч 13.00 шагат марте.