Республикысе марий тӱвыра рӱдер  23 ноябрьыште Палантай лӱмеш тӱвыра да сымыктыш колледжыште «Талешкын корныжо…» республик кӱкшытан КВН-конкурсым эртарыш. Конкурс марий ӱдыр-рвезе-влакым усталык пашаш ушаш,  марий мыскарам вияҥдаш да у кӱкшытыш лукташ манын эртаралтын. Шке вийыштым тергаш марий кундемнан тӱрло районлаж гыч уста команде-влак погыненыт. Тиде: Йошкар-Ола гыч «Кугарня» газет редакцийын «10-ка», Марий кугыжаныш университетын «Студвий – сӧсна ден пий» командыже, Шернур районын «Мустафан луйжо-влак»,  Оршанка педагогический колледжын «Яндар йӱк»,  Марий Турек районат ӧрдыжеш кодын огыл да «Российын икшывыже-влак» командым чумырен.

1-ше верым «Кугарня» газетын «10-ка» командыже налын да тыгакак эн музыкальный команде номинацийыште сеҥышышке лектын.

2-шо верым Шернур район Марисола кундемын «Мустафан луйжо-влак» команде налын.

3-шо верыш МарКУ-н «Студвий  — сӧсна ден пий» лектын да эн писе уш-акылан номинацийыште Владимир Аптулаев сеҥен.

Ончышо-влаклан эн чот келшыше командыш «Яндар йӱк» лектын.

Марий Турек районын «Российын икшывыже-влак» командыжлан «Ӱшанена» номинацийыште пӧлекым кучыктымо.