Туныктышо-влак район школла гыч погынен толыт. Марий-влак веле огыл, марий йылмым умылышо, марий калык йӱлам да сылнымутым палыше руш калыкын эргыже-влакат ушнат. Йодышыжо-влак марий калыкын эртыкше йӱлаже, йылмыже да сылнымутшо нерген лийын.

10 декабрьыште 9 команде шке вийжым терген. Тиде – Йошкар-Ола гыч «Писатель ушем», «Югорно», «Серызе» да «Саскавий», Куженер район гыч «Одар тукым» ден «Чумбылат», Морко район гыч «Чолпан», Волжский кундем гыч «Юлсер», Шернур район гыч «Кырла тукым».

Сеҥышыш марий журналист-влакын «Серызе» командышт лектын. Кодшо ийынат Россий тӱвыран сулло пашаеҥже, «Марий Эл» газетын тӱҥ редакторжо Александр Абдуловын вуйлатыме «Марий Эл», «Кугарня», «Ямде лий» газет-влакын да «Ончыко» журналын пашаеҥышт-влак кодшо ийыште тыгаяк модмашыште сеҥымыштым пеҥгыдемдышт.

Волжский районысо марий йылмым туныктышо-влакын «Юлсер» команде кокымшо верыш лектын. Районысо туныктыш пӧлкан методистше Надежда Никифорован вуйлатыме команде 2021 ийыште кумшо верыште лийын, ынде ик тошкалтышлан нӧлталтын.

Морко районысо марий йылмым туныктышо-влакын «Чолпан» командышт кумшо верым налыныт.

Сеҥыше-влаклан дипломым, кажне командылан сертификатым кучыктымо.