2025 ийым Элым аралыше-влакын идалыкышт семын палемдыме. Тыгак февральын 23 числан Элым аралышын кечыжым пайремлена.
Тиде суапле датылан Ий еда Марий тӱвыра рӱдер «Элым аралыше-влаклан» республик кӱкшытан конкурсым эртара.
Кок номинацийым палемдыме. «Элем, тылат мурем!» патриотик муро» номинацийыш самырык мурызо але посна вокал коллективын выступленийыштым видеош войзен колтыман.
Кугу Ачамланде, локальный сарлаште, кызыт СВО-што шочмо мландынам аралымаште шке порысыштым шуктышо тукымна нерген «Элым аралыше мыйын ешыштем» сочинений-эссе гоч почын пуаш лиеш. Паша-влакым 14 февраль марте колташ лиеш. Таче кече марте чылаже 60 паша пурен!
Пагалыме тунемше, ача-ава, туныктышо-влак! Жап але уло, Россий элнам аралымаште ТЕНДАН ЕШДАН порысшо нерген йоча-влакдам кумылаҥдыза сералташ. Жап эртыме семын, тиде серымаш еш реликвий семын ик тукым гыч вес тукымыш кусна.