21 февральыште Шочмо йылмын тӱнямбал кечыжым палемдаш тӱҥалына.
Ий еда Республикысе марий тӱвыра рӱдер тӱрлӧ элыште илыше тӱрлӧ калыкын шочмо йылмыже, тӱвыраже дене палдарен шогаш «Lingva-Территорий» йылме фестиваль эртаралтеш.
Тушто шочмо йылмын ковыралыкше, илыш-йӱла да тӱвыра, шочмо элын але кундемын сӧраллыкше нерген каласкалаш да ончыкташ тӱҥалыт. Тудо Марий кугыжаныш университетын Калыкле тӱвыра да тӱвыра кокласе коммуникаций институтышто лиеш. Тений фестиваль жапыште презентатор-влак 20 наре йылме дене палдараш тӱҥалыт.
Тенийсе йылме фестивальын ойыртемже уло: тушто Юл кундемыште илыше калык-влакын: марийын, рушын, одын, чувашын, татарын – «Унам вашлиймаш» ожнысо йӱлаштым ончыкталтеш.