2025 ий 1 мартыште «Россий» Калыкле рӱдерыште «Россий мучко путешествий» проект шке пашажым тӱҥалеш.
Тудо ончер кумдыкым, гастрономий зоным, универмагым, оҥай культур событий-влакым, туныктымо мероприятийлам да лӱмын ыштыме программе-влакым уша. Калыкле рӱдерыш толшо-влак элна мучко – Владивосток гыч Калининград марте – прогулкым ыштен кертыт. Тидлан еш дене пырля оҥай маршрутым ойыраш лиеш.
«Россий мучко путешествий» ончер чыла ийготан-влаклан пайдаже. Яра эртарыме экскурсийыш регистрацийым https://russia.ru/ сайтыште эрташ лиеш.