Шошын икымше пайремже – 8 март – лишемеш. Чыла ӱдырамашын пайремышт. Кажне еҥ тиде кечын шке лишылже-влакым саламлаш вашка. Сылне пеледыш аршашым, ныжыл мутым аваштлан, ака-шӱжарыштлан, пошкудыштлан пӧлеклат.
Марий тӱвыра рӱдер Оршанке районысо Кугунур тӱвыра пӧртын усталык коллективше-влак дене пырля «Тыланда пӧлеклена» концертым эртара.
Концерт 6 мартыште 18 шагатлан тӱҥалеш. Акше – 150 теҥге.
Оршанке районышто, Йошкар-Олаште илыше-влакым Кугунур селасе тӱвыра пӧртыш пагален вучена!