15 мартыште Йошкар-Олаште илыше да рӱдоланан унаже-влак марий самырык музыканче-влакын мастарлыкыштым кок гана ончен да аклен кертеш.
«Изи гармоньчо» конкурс Мер-политик рӱдерыште 11.00 шагатлан тӱҥалеш.
Тушто Татарстан кундемысе Балтаси да Кукмара районла, Башкортостан республикысе Благовещенск, Нефтекамск ола-влак, Калтаса район, Киров кундемысе Кӱлмыж район, тыгак Йошкар-Ола, Звенигово, Волжский, Марий Турек, Шернур, Оршанке районла гыч 23 самырык музыканче ден вич калык семӱзгар ансамбль-влак шке мастарлыкыштым ончыктат. Конкурсышто сеҥыше гармоньчо гран-при дене палемдалтеш. Призше – «Чайка» гармонь.
15 мартыште 16 шагатлан В.И. Ленин лӱмеш тӱвыра пӧртыштӧ гала-концерт лиеш.
Гала-концертыште лийыт:
— Йорга каче,
— Александр Марков да эргыже Роман,
— «Баян Х» дуэт (Алексей Горинов ден Эдуард Милютин),
— «Пеледыш» ансамбльын семӱзгар ансамбльже,
— Карина Ватютова,
— «Падыраш» йоча ансамбль,
— Яранцевмыт еш ансамбль,
— «Ончыкылык ӱшан» йоча семӱзгарансамбль,
— «Арбор тукым» ансамбль,
— Козьмодемьянск ола гыч баян дене шоктышо йоча ансамбль,
— Башкортостан республик гыч тальянке дене шоктышо да мурышо ансамбль,
— Башкортостан, Татарстан, Киров область гыч, Марий Элын Оршанке, Волжский, Марий Турек, Звенигово, Шернур районла гыч изи гармоньчо-влак.
Пагален вучена чыладам, йолташ-влак. Самырык тукымын усталыкыштлан куанен, шӱм-чоным кандараш, марий мурын ямжым колышташ – тиде пиал. Толза, вучена.