Тудо кок номинацийыште эрта. Тиде – лудшо-влак коклаште «Тый элым аралет…» да «Салтаклан серыш» таҥас-влак. Тушко йочасадыш коштшо да школлаште тунемше-влак ушнен кертыт.

Икымше конкурсыш ушыншо-влак марий автор-влакын але марлаш кусарыме почеламут-влакым видеош войзен колтат. Теме – Элым аралыше-влак. Видеовыступленийым презентаций, ныжыл сем, калык семӱзгар дене шоктымо сем дене сӧрастараш лиеш. Войзыш вич минут дене кужу лийшаш огыл.

«Салтаклан серыш» конкурс пашам марий йылме дене возыман. Электрон серышым возымо нормо тыгай: Times New Roman шрифт, 14 кегль, строко кокла – 1,5. Серыш кугыт ик лаштык деч кугу лийшаш огыл.

Паша-влакым 15 февраль марте mari-centr_konkurs@mail.ru электрон адрес дене вучена, тел. (8362) 45-88-51.

Конкурсыш пурышо паша-влакым ончымо да иктешлыме годым ийгот шот дене кум тӱшкалан (4 гыч 6, 7 гыч 12, 13 гыч 17 ияш) шелалтын палемдалтыт. Сеҥыше-влак 20 февральыште пале лийыт.

Сеҥыше-влаклан I, II, III степенян дипломым, участник-влаклан сертификатым электрон почто дене колталтеш.