«Самырык тукым» республикысе йоча усталык конкурсыш 4 апрельыште Республикысе курчак театрыште эрта.
Тушко 11 район да Йошкар-Ола гыч 40 наре самырык мурызо да йоча коллектив толыт.
Мероприятий Элым аралышын идалыкшылан да пӧлеклалтын, марий йылме дене эртаралтеш, 10.00 шагатлан тӱҥалеш.
Конкурсыш ушнышо-влак коклаште муниципал этапыште сеҥеныт. Республик кӱкшытыштӧ нуно кум номинацийыште шке мастарлыкыштым ончыктат. Тиде – «Марий Элем – шӱмбел мландем» да «Сеҥымаш кече» темылан сылнымут да сем композиций, «музыкальный» (вокал) да «куштымаш» номинаций-влак. Сценыш 1 гыч 11 класс марте тунемше-влак лектыт. Нуно «Самырык тукымын» 2025 ийысе «эн сай мурызо», «эн сай коллектив» лӱмышт верч таҥасаш тӱҥалыт.
Мероприятийым Марий тӱвыра рӱдер Тӱвыра, печать да калык-влакын пашашт шотышто министерствын, тыгак Туныктыш да шанче министерствын полшымышт дене эртара.