Фестивальыште шочмо йылмын моторлыкшо, илыш-йӱла да тӱвыра, шочмо элын але кундемын сӧраллыкше нерген палдарат да презентаций гоч ончыктат. Тушко кажныже ушнен кертеш. Шочмо але сайын палыме йылме, ты йылме дене кутырышо калыкын тӱвыраже нерген палдарен кертат. Тидлан 15-ше пургыж марте mari-centr_konkurs@mail.ru электрон адресыш йодмашым колтыман.

Тудо 21-ше пургыжышто Марий кугыжаныш университетын Калыкле тӱвыра да тӱвыра кокласе коммуникаций институтышто эрта. Тений фестиваль жапыште презентатор-влак 20 наре йылме дене палдараш тӱҥалыт. Мероприятий 12 шагатлан тӱҥалеш.

Нунын радамыш теат ушно, йолташ!

Организатор-влак – Республикысе марий тӱвыра рӱдер ден Марий кугыжаныш университет, Тӱвыра, савыктыш да калык-влакын пашашт шотышто министерствыже.

Фестивальын Положенийже тыште: https://mari-centr.ru/