Сеҥымаш кече вашеш «Рувики» интернет-энциклопедий «Ваши герои – наша история!» акцийым увертарен.
Марий Элыште илыше кажне еш тушко ушнен, Кугу сарыште кредалше родо-тукымжо нерген палдарен кертеш. Тыге российысе интернет-энциклопедийыште тудын нерген поро шарнымашым кодаш лиеш.
«Рувики» порталыште сар корныжо, сар деч вара паша да илышыже нерген шарналтен возыман.
Статьяште лийшаш: Кугу сарыште лийшын фамилийже, лӱмжӧ, ачалӱмжӧ, тудын нерген 300 знакан текст, ыштыме ик подвигше нерген факт: наградыже, службым эртыме вер, палемдыме кредалмаште лийме, сар деч варасе биографий, пеҥгыдемдыше документ-влак але документын сканже, савыктыме документ-влаклан ссылке (Кугу сарын ветеранже нерген инфорамцийым официал агрегаторын сайтше гыч налаш лиеш), тӱрлӧ савыктышлаште оцифроватлыме публикаций-влак але нунын сканышт.