22 июнь — Ойганен шарныме кече.
22 июньышто Россий мучко Ойганен шарныме кече палемдалтеш, вет лач тунам, 80 ий ончыч, Кугу Ачамланде сар тӱҥалын. Кокымшо тӱнямбал сарыш куснышо, ныл ий шуйнышо ты пуламыр пагыт элна мучко 27 миллион еҥын ӱмыржым лугыч ыштен. Марий Элыште гына 130 тӱжем еҥ сарыш каен да кажне кокымшыжо пӧртылын огыл. Сӧй пасулаште вел огыл, тылыштат еҥ-влак уло тӱнялан виян, кугу чытышан улмыштым ончыктен. Кажныжым ойганен шарнена да Пӱтынь Российысе акцийыш ушнена. Мыланна тачысе ласка илышым пӧлеклымыштлан тауштен, вуйнам савеена!
Интернетысе социальный сетьыште «Шарнымаш сорта» акцийым увертарыме. деньпамяти.рф сайтыште 22 июнь марте кажныже шарнымаш сортам «чӱктен» кертеш.
