Тений Крым полуотрон Российыш ушнымылан 9 ий темме кечылан «Элнет» мер ушем вуйлатышын алмаштышыже Роза Садовина Марий Элыш толын. Тудын дене вашлиймаш Марий кугыжаныш университетын книгагудыштыжо эртен. Тушко студент да Йошкар-Оласе О. Тихомирова лӱмеш 2-шо номеран кыдалаш школын тунемшыже-влак толыныт.

Роза Ивановна 2014 ийысе ситуацийым шарналтен ойлен, Россий калыклан полуотрошто илыше-влаклан полшымыштлан тауштен. Тыгак тушто илыше марий-влакын мер илышыш ушнымышт нерген каласкален.