Таче марий тӱвыра рӱдер пайрем концерт программым «Сосновая роща» интернат-пӧртыштӧ эртарен.

Артистна-влак йӧратыме мурыштым йоҥгалтареныт, куштеныт, семӱзгар дене шоктеныт, чолга да чапле кумылым пӧлекленыт.

Тиде кечын ме сулен налме канышыш лекше,  чыла ветераным, рӱдер пашаеҥ-влакым илалше-влакын пайремышт дене саламлена. Пеҥгыде тазалыкым, кужу ӱмырым, тыныслыкым, лишыл да шерге еҥ-влакын йӧратышыштым да тӱткышым тыланынена!