Тидым шотыш налын, Марий тӱвыра рӱдер «Волгыдо кече – Кугече» йӱла пайрем концертым эртара. Тудо Йошкар-Оласе Рӱдӧ тӱвыра да каныме паркыште 23 апрельыште лиеш, 14 шагатлан тӱҥалеш.

Тушто Кугу Кугече арнян кажне кечыже кузе эртыме нерген кӱчык интермедий почеш. Кугече годымсо марий калык модмаш тӱҥ шотышто чиялтыме муно дене  кылдалтын. Ончаш толшо-влаклан 8 йӱла модыш темлалтеш.

Пайремлан келыштарыме концерт программе поян да кумылым нӧлтышӧ лиеш.

Сценыште шке мастарлыкыштым ончыктат:

— Марий тӱвыра рӱдерын «Падыраш» йоча да «Чон онгыр» фольклор ансамбльышт;

 — Сеҥымашын 30-шо идалыкше лӱмеш тӱвыра полатын «Весела сем» фольклор коллективше;

 —  Россий армий тӱвыра полатын Г. Салдаев лӱмеш «Марий мланде» фольклор ансамбльже;

 — Республикысе самырык-влак полатын «Ший полан» фольклор коллективше;

 — Советский район Кельмаксола гыч «Мураршаш» калык, Кукмарий ял гыч «Весела кумыл» фольклор коллектив-влак;

 — Звенигово район Какшамарий ял гыч «Ӱшанлык» мурышо да куштышо ансамбль;

 — Медведево район Пӱкшерме ял гыч народный ансамбль песни и танца «Весела кумыл» мурышо да куштышо калык, Знаменский поселко гыч «Мурпеледыш» фольклор коллектив.

Тыгак Йошкар-Ола гыч «У муро» вокал студий, «Кас сем» вокал группо, посна мурызо солист-влак пайрем концертым сӧрастарат.

Пайрем концерт кышкарыште Марий кас почылтеш.