Таче, 13 ноябрьыште, С.Г. Чавайн лӱмеш калыкле книгагудышто эн чолга тунемше-влак погыненыт.

Республикынан тӱрлӧ районжо гыч 10 команде «Мунло» марафонышто ушакылжым терген.

Пайрем вашлиймаш Марий Элын 105-ияш лӱмгечыжлан да Калык-влакын икоян улмо кечыжлан пӧлеклалтын.

Марафон кум тур гыч шоген, кажныштыже 12 йодыш лийын.

Иктешлымашым ыштен, сеҥыше ден призёр-влакым палемденыт.

I верым Параньга район Матародо кыдалаш школын «Волгенче» командыже сеҥен налын.

II верым Морко район Зеленогорск кыдалаш школын «Эрвий» командыже налын.

III верыш Кужэҥер район Руш Шой кыдалаш школын «Одар тукым» командыже лектын.

Кажне командылан пӧлек ден таумутым кучыктеныт.