«Мунло» модмашыште 10 команде таҥасен

10 декабрьыште Марий тиште кечым палемден улына.
Марий тиште кечым кугыжаныш пайрем семын 1998 ий гыч палемдаш тӱҥалме.
Кугыжаныш пайрем кечын «Мунло» уш-акыл марафоным эртарымаш поро йӱлаш савырнен. Тудым ятыр ий марий тӱвыра рӱдер эртара. Тений тиде модмашыш 10 команде ушнен. Нуным марий меръеҥ, журналист, районласе туныктышо ден тӱвыра пашаеҥ-влак чумыреныт.

Сеҥыше команде — влак:
🏆 💐 🎉 I вер — «Cаскавий» команде (капитан — Байкова Галина Ильинична),
🥈 💐 🎊 II вер — «Чолпан» команде (Морко район, капитан — Аркадьева Аина Вениаминовна)
🥉 💐 🎊 III вер — «Кундыш шӱдыр » команде (Советский район, капитан — Яншитова Роза Юрьевна)