Пайрем 22 фольклор коллективым ик аланыш пога. У Торъял ден Шернур районласе тоштер-влак ялозанлык пашам шуктымо ожнысо ӱзгар-влак дене палдарат. «Марий кинде» конкурсыш 11 район гыч 12 команде ушнат. Посна алан ик жаплан авыныш савырна: тушто кылтам сапондо дене кыраш лиеш. Пу кольмо дене коштымо деч вара пырчым кидвакш дене йоҥышташ кажне ен ушнен кертеш.

Марий Элысе Россельхознадзор пашаеҥ-влак пакча сомылым шуктымо шотышто консультацийым пуат.

Модыш аланым самырык-влаклан «Кугарня» ден йоча-влаклан «Ямде лий» газет пашаеҥышт почыт, калык модыш-влакым йоча да кугыеҥ-влаклан темлат.

Пайремыште ялозанлык ярмиҥга почылтеш. Тушто кочкышым лукшо, ялозанлык саскам куштышо предприятий, озанлык да фермер-влак шке сатуштым темлаш тӱҥалыт. Чылаже 20 наре йодмаш пурен.

Ялозанлык ден киндым пыштыше предприятий-влакын ончыл пашаеҥыштым саламлаш тӱҥалыт.

Пайремыш регионла да районла гыч толшо меръеҥ-влак толыт. Марий  рӱдолан сылне вержым йӧратен ончаш толшо турист-влак лийыт.