4 сентябрьыште Йошкар-Оласе Калыкле сымыктыш гимназийыште Республикысе марий тӱвыра рӱдер «Россий — тероризм ваштареш» тематике программым эртарен. Тудо терроризм ваштареш кучедалме икоян улмо кечылан пӧлеклалтше лийын.
Мероприятийышке экстремизм ваштареш кучедалме шотышто Рӱдерын пашаеҥже Илья Шипицын да СВО-н ветеранже, «Герои Марий Эл. Талешке-влак» регионысо кадр программын участникше Павел Попов толыныт. Нуно тунемше-влалан экстремизм ден терроризмын лӱдыкшым кондымыж нерген умылтареныт.
Тематике программе жапыште тыгак сарзе патриотик муро-влак йоҥгалтыныт. Шке мурышт дене Россий писатель ушемын членже, Гармония творчестве ушемын вуйлатышышже Константин Шемякин, «Падыраш» йоча фольклор ансамбль, Марий тӱвыра рӱдерын пашаеҥже-влак Наталья Богданолва, Надежда Шуверова да самырык мурызо Николаева Элвия йоча-влакым куандареныт.
Мероприятий сайын да кумылын гына эртен.