Тений тудо регион-влак кокласе кӱкшытыштӧ эрта. 11 команде ушнаш йодмашым колтен. Тышеч кок команде марий илыман регионла гыч толыт . Тиде – Пошкырт кундем Мишкан да Киров областьысе Пижанке район гыч марий-влак. Команде-влакым марий меръеҥ, журналист, районласе туныктышо ден тӱвыра пашаеҥ-влак чумыреныт.

Модмаш кум тур дене эрта. Кажныштыже лу йодыш гыч улыт. Йодыш-влак марий йылме, сылнымут да йӱла дене кылдалтше лийыт. Командын капитанже-влак блиц-турнирыште уш-акылыштым тергат.

Модмаш М. Шкетан лӱмеш Марий драме театрыште эрта. 14 шагатлан тӱҥалеш.