Чылаже 11 команде ушнен:

 — Морко район гыч «Чолпан» командыже. Капитан Аркадьева Нина Вениаминовна;

 — Йошкар-Ола гыч «Чечен вараксим-влак» командыже. Капитан Венина Наталья Константиновна;

 — Юлсер кундем гыч «Юл сер» командыже. Капитан Степанова Надежда Борисовна;

 — Йошкар-Ола гыч «Саскавий» марий ӱдырамаш ушемын командыже. Капитан Байкова Галина Ильинична;

 — Виче кундем Пижанке рӱдӧ клуб системын «Вуленер мари» командыже. Капитан Рослякова Алёна Алексеевна;

 — У Торъял район гыч «Лемде вел» командыже. Капитан Смирнова Лиана Владимировна;

 — Куженер район гыч «Чумбылат» командыже. Капитан Богданова Светлана Платоновна;

 — Параньга районысо Матародо кыдалаш школын «Матародо кундем» командыже. Капитан Морозова Алёна Вячеславовна;

 — Йошкар-Ола гыч «Серызе-влак» команде. Капитан Абдулов Александр Саликович;

 — Йошкар-Ола гыч «Югорно» команде. Капитан Монахова Эльвира;

 — Йошкар-Ола гыч «Писатель ушем» команде. Капитан Григорьева Светлана Дмитриевна.

Модмаш кум тур дене эртен. Йодышыжо-влак марий калыкын эртыкше йӱлаже, йылмыже да сылнымутшо нерген лийыныт. Тыгак командын капитанже-влак коклаштат блиц-турнир эртен.

Сеҥышыш Морко районысо туныктышо-влакын «Чолпан» командышт лектын. Команде марафонын Кубокшым сеҥен налын. Куженер район гыч «Чумбылат» команде кокымшо верым налын. Кумшышто – «Писатель ушем» команде.

Сеҥыше радамыш пурышо командын модшыжо-влаклан медальым кучыктымо, командым Чаптанык дене суапландарыме. Кажне команде сертификат дене палемдалтын.