Тудо Россий президент Владимир Путинын 2024 ийым Ешын идалыкше семын увертарымылан пӧлеклалтеш, традиционный еш поянлыкым пеҥгыдемден толмашке виктаралтын.

Проектыш ушнышо еш-участник-влак икмыняр заданийым шуктен толшаш улыт. Мутлан: чылан пырля кас кочкышым ямдылаш, тоштерыш миен толаш, спорт дене шкем шуараш да молат… Ешын заданийым шуктымыжым пеҥгыдемдыше фотографийым #всейсемьей хештег дене ВКонтакте але Одноклассники соцкыл лаштыклаш вераҥдыман. Марий Эл гыч проектыш ушнышо-влак #всейсемьей12 хештегым кучылтшаш улыт.

Кажне тылзын организатор-влак чыла участниклан промежуточный иктешлымашым ыштат да кажныжлан пӧлекым кучыктат. Март мучаште эн ойыртемалтше еш-влакым палемдаш тӱҥалыт. А пӧлекшым сайымак, куандарен кертшым, сӧрат. Нунын коклаште «Больше чем путешествие» проект деч Россий мучко каяш йӧным почшо 11 турат лийшаш.

Участник лияш шонышо еш-влаклан ВКонтакте:  https://vk.com/vseysemiey да Однокласники соцкыллаште регистрацийым эртыман.

Сайт: https://всейсемьей.рф/