Мероприятийым Марий тӱвыра рӱдерын пашаеҥже да рӱдер пеленысе «Чон оҥгыр» фольклор ансамбльын участникше-влак эртареныт. 5 «а» классыште тунемше-влаклан тӱрлӧ кундемыште илыше марий-влакын тӱвыра ойыртемышт дене палыме лийыныт, тӱмырым кыраш тунемыныт, тошто марий куштымашым тӱшкан тавалтеныт.

Этноурокым эртараш полшымаште школышто ИКН предметым туныктышо Татьяна Ивановна Васильевалан кугу таум ойлыман.