«Ӱярня» йоча пайрем 11 шагатлан тӱҥалеш. Кажне командыште 5- 9 класслаште тунемше 6 йоча лийшаш.

Тунемше-влак коклаште тыгай конкурс-влак эрташ тӱҥалыт:

 – «Ӱярня мелна»: кочкышын вужгата да тамле улмыжо, эн моторын сӧрастарыме деч посна марий кочкыш нерген оҥайын каласкален  моштымо аклалтеш;

 – «Ӱярня кува», пайремын символжо, тыгайрак лийшаш: ик метр деч кужурак, лӱдыкшӧ деч кораҥме технике правил почеш «йолжо» пеҥгыдын шогышаш. Тыгак символ нерген 7 минут наре жапыште каласкален моштымо аклалтеш;

 – «Ӱярня» такмак баттлыште вӱдышын каласыме мут-влак гыч такмакым шонен муралташ кӱлеш.

Тошто марий пайремын ю виян шӱлышыжым йоча-влак уремыште тӱрлӧ марий модмаш гоч пален налыт. «Шукыйол», «маскайол» дене таҥасаш тӱҥалыт, курык гыч ӱярнявара дене мунчалтат, калык модыш-влак дене модыт.

Конкурслаште сеҥыше-влак диплом да шергакан приз дене палемдалтыт.

Палемдыман, тений «Ӱярня» йоча пайремыш ныл район гыч шым школ ушнат.