Одоким кечын шошо, кеҥеж могай лиеш манын, эскерат. Тиде кече деч вара шошо толеш, лум утларак шула.

Одоким кечын чывылан йӱаш ситыше вӱд уло гын, шошо вашке толеш, Кугечылан лум каен пыта.

Одоким кечылан чывылан ситыше вӱд уло гын, Йогормо кечын, 6 майыште, шорыклан кочкаш ситыше шудо лиеш.

Шем корак Одоким кече деч ончыч толын гын, кеҥеж вӱдыжгӧ лиеш, а лум эр кая.

Одоким кечын комбо, лудо, чыве пыжашым опташ тӱҥалыныт. Комбо пыжашым уржа олым гыч оптыман, лудылан шож олым кӱлеш, чывылан шӱльӧ олым келшен толеш.