Марий тӱвыра рӱдер пеленысе «Падыраш» йоча фольклор ансамбль сылне муро дене пайрем кумылым луктын. Марий Элын тӱвыра, печать да калык-влакын пашашт шотышто министерствын пӧлкажым вуйлатыше Михаил Чемышев ден Марий тӱвыра рӱдерым вуйлатыше Василий Петров поро тыланымаш дене почыныт.
Кумылым савырыше, чоным вургыжтарыше паша-влакым тунемше ден туныктышо-влак ямдыленыт, сӧрал, уверлан поян презентацийым ыштеныт. Талешке-влак кызытат мемнан коклаште илат: элнам аралымаште пеҥгыдын шогат, калыкна верч тыршат, самырык-влаклан, кушкын шогышо тукымлан пример семын кодыт. Лач тиде темым ойырымо ыле «Кызытсе талешке мемнан коклаште» номинацийыште. Кокымшыжо Еш идалыклан пӧлеклалтше лийын: «Еш – мыйын эҥертышем» шымлымаш паша-влак туныктымаште, тӱвыраште, шанче, волонтер да моло пашаште сеҥымашыш шушо еш нерген сералтыныт.
Икымше номинацийыш 8 паша пурен. Тӱҥ шотышто посна сарзе операцийыште неофашизм ваштареш пеҥгыдын, лӱддымын шогышо салтак-землякна-влак нерген презентатор-влак моткоч кумылын, лывыргын каласкалышт.
11 ияш гыч 14 ияш марте «Кызытсе талешке мемнан коклаште» номинацийыште сеҥышыш лектыныт:
1 вер – Мария Петухова Мария, И.С. Палантай лӱмеш тӱвыра да сымыктыш колледжын калыкле сымыктыш гимназийже, «Ешнан кугешныме талешкыже» паша (вуйлатыше Э.В. Петрова);
2 вер – Тимур Федоров, Йошкар-Оласе 14-ше номеран гимназий, «Илыш верч» паша (вуйлатыше Э.Н. Дмитриева);
3 вер – Даниил Мамаев, Медведево районысо Руш Кукмарий кыдалаш школ, «СВО-н лӱддымӧ талешкыже-влак» паша (вуйлатыше-влак С.В. Белова, Г.Г. Иванова).
15 ияш гыч 18 ияш марте «Кызытсе талешке мемнан коклаште» номинацийыште сеҥышыш лектыныт:
1 вер – Виктория Краснова, Морко районысо Эҥерсола тӱҥ школ, «Эргым-влак верч сӧрвалем» (вуйлатыше Н.В. Анисимова);
2 вер – Родион Небогатиков, У Торъял районысо Д.И. Онар лӱмеш Токтарсола тӱҥ школ, «Айдемым пашаже сӧрастара» паша (вуйлатыше З.В. Небогатикова);
3 вер – Андрей Иванов, Морко районысо Унчо кыдалаш школ, «Афганистан мыйым пеҥгыдемден» паша (вуйлатыше Р.Н. Петрова).
19 ияш гыч «Кызытсе талешке мемнан коклаште» номинацийыште сеҥышыш лектыныт:
1 вер – Наталья Ивановна Яковлева, Волжский районысо Памар кыдалаш школын марий йылмым да ИКН-ым туныктышыжо, «Олыкъял уныка – элнан геройжо» паша;
2 вер – Зоя Александровна Беляева, Советский районысо Кадам кыдалаш школын марий йылмым, литературым да ИКН-ым туныктышыжо, «Уста туныктышо, марий поэтессе – школысо да ялысе илышнан куанже» паша;
«Еш – мыйын эҥертышем» номинацийыш 5 паша пурен.
Тиде номинацийыш Положенийыште палемдыме деч изирак ийготан тунемше вийжым терген. Драгояр Янаев Медведево районысо Арбан кыдалаш школышто 2 классыште тунемеш. «Ешемын пӱрымашыже элем дене пырля» пашаж дене 11 ияш гыч 14 ияш марте презентататор-влак дене темым почын пуымыжо, марла йомартлын ойлен моштымыжо дене иктӧр шоген. Тудым Л.А. Яндыганова ямдылен. Ончылгоч пурен каласем, Драгояр кокымшо верыш лектын.
1 верыште – Ульяна Афанасьева ден Анна Васильева, Волжский районысо Памар кыдалаш школ, «Еш – мыйын эҥертышем» паша (вуйлатыше И.А. Петрова).
3 верыште – Артемий Моисеев, Советский районысо Ӱшнӱр кыдалаш школ, «Мыйын ешем – мыйын пиалем» паша (вуйлатыше З.А. Волкова).
15 ияш гыч 18 ияш марте 1 верыш Эсмеральда ден Элеонора Александровамыт, Йошкар-Оласе 14-ше номеран гимназий, «Йӧратыше еш – йочан пиалже» паша (вуйлатыше В.С. Михеева) лектыныт.
19 ияш гыч «Еш – мыйын эҥертышем» номинацийыште Роза Геннадиевна Антропова, Советский районысо академик Л.А. Ожиганов лӱмеш Ӧрша тӱҥ школын кугыжаныш марий йылмым туныктышыжо, сеҥышыш лектын.
Кажне презентаторлан дипломым кучыктымо, сеҥыше-влаклан кубокым кучыктымо.
