Фестиваль, Кугу сарыште сеҥымылан 79 ий темме, посна сарзе операцийыште улшо-влакым да нунын ешыштын кумылыштым поремдыме да паремдыме, Марий талешке кечылан пӧлеклалтын, «Талешке корно» проект кышкарыште эртаралтеш.

Ончычсо ийла семынак тушто патриот шӱлышан, шочмо элым йӧраташ таратыше, илышым умылаш полшышо муро ден почеламут-влак йоҥгат. Тушко «У муро», Кас сем» вокал коллектив, «Падыраш» йоча фольклор ансамбль, «Гармония» усталык ушем, «МИФ» группо, марий хор, 16 мурызо да 5 поэт ушнат. Нуно руш да марий йылме дене Кугу Ачамланде сар да СВО пӧлеклалтше муро ден почеламутлаштым йоҥгалтарат.

Мероприятийым Марий тӱвыра рӱдер 2018 ий гыч эртарен шога. Тений организатор семын «Югорно» регионысо мер организаций ушнен.