Кугече — марий калыкын шошымсо тӱҥ пайремже. Акрет годсек кугезына-влак ты йӱла пайремлан ончылгоч ямдылалтыныт, кугече арня коклаште осал деч аралыше, тӱрлӧ йӱлам шуктен, порылыкым, сурт кӧргӧ ласкалыкым, вольык, пакча поянлыкым сугыньленыт.

Кызытат тиде йӱла мондалтын огыл, жаплан келшышын шукталтеш.
Пайремда тичмаш кинде гай перкан лийже. Илышда муно гай чевер, тынысле да ваш умылымашан лийышт.