Марий тӱвыра рӱдер республикыште пашам ыштыше Марий Эл Радио ден Российын радиожо – ГТРК (Марий Эл) коллектив-влак дене пеҥгыде кылым вуча. Радиожурналист-влак рӱдерын эртарыме кажне гаяк мероприятий гыч яндар марий йылме дене репортаж-влакым ямдылат. Тау нунылан.

Радиопашаеҥ-влакым саламлаш рӱдерым вуйлатыше Василий Петров Российын радиош – ГТРК -ш (Марий Эл) миен, марий йылмым, тӱвырам да йӱлам марий да вес калык-влак, йоча да самырык тукым коклаште шарымылан тауштен, куштылго паша корным, марий улмына дене кугешнымашым лукшо оҥай деч оҥай проект-влакым илышыш шыҥдараш тыланен.