Тудо Кугу Отечественный сарыште Сеҥымашлан 79 ий теммылан пӧлеклалтын ыле. Чылаже сценыш  20 утла мурызо, шым поэт лектыныт. Нуно «У муро», «Кас сем» вокал группо, «Гармония» усталык ушем гыч улыт, посна мурызо-влакат толыныт.

Фестивальын программышт самодеятельный автор да мурызо-влакын сар нерген шкеныштын возымо, тыгак лӱмлӧ руш да марий автор-влакын почеламутыштым лудыныт, мурыштым йоҥгалтареныт.

Мероприятийын унаже-влакым республикысе тӱвыра, савыктыш да калык-влакын пашашт шотышто министрын алмаштышыже Игорь Садовин да Марий тӱвыра рӱдерын директоржо Василий Петров пайрем дене саламленыт.

Кажне участниклан дипломым кучыктымо.

Фестивальым Марий тӱвыра рӱдер кудымшо гана «2013-2025 ийлан Марий Элын кугыжаныш национальный политике» кугыжаныш программым илышыш пуртымо кышкарыште эртарен.