Анатолий Ермаков шке гармоньжо дене кап-кылым веле огыл, шӱм-чоным тарватен шокталта, а мурызо-влак ковыртатен муралтен колтат. Тӱрлӧ районлан куштымо сем почеш изижат-кугыжат каналтен кертеш. Токтайбеляк ялысе «Ший аршаш» фольклор ансамбль калык муро ден куштымашым Марий касыш толшо калыкым куандараш тӱҥалеш. А вес шуматкечын Марий кас У саска пайремлан пӧлеклалтше лиеш. Чыладам шокшын вучена! Жап да ак вашталтын огытыл.