Молан гын южгунам чоныштына порылык «дефицит» лиеда? Ӱдыр-рвезе-влак порылык нерген шонкаленыт, икте-весылан йодышлам пуэденыт. Кузе поро лияш? Шке примерыштлан эҥертен, вашмутым кычалыныт. Вашмутшо — осалым шарымым чарнаш.
Марий эстрадын чолга шӱдыржӧ Лариса Сидоркина шке мурсаскаже дене порылык шӱлышым пуртен керте, да самырык-влакым куандарыш.
Марий тӱвыра рӱдерын пашаеҥже-влак эртарыме шотышто эре уым муыт.
Марий кугыжаныш университетын студентше-влакат палемдышт: «Вӱдышын касым эртарыме радамже кажне арнян оҥай деч оҥай лиеш, вет «Рвезылык» этнодискотекыш чолга самырык тукым марла кушташ да мураш веле огыл мият, нуно тыште тыгак кугезе йӱлам шарналтен аклаш тунемыт».
