шке возымо почеламутшым лудын сӧрастарен. Тудо ава нерген кум почеламутым серен, «Аралыза авам!» почеламутшо поснак чонеш логалын. 

Мероприятийыш студент-влак дене пырля икмыняр самырык ава-влакат толыныт. Вӱдышӧ Роза Искакова нунылан икмыняр поро шомакым каласен да изи шарнымаш пӧлек дене палемден. 

Поснак Марий кугыжаныш университетын «Мурсем» ансамбльжым палемдыман. Нунын ий гыч ийыш кушкын толмышт вигак шижалтеш. Кузе кушталтат, кузе муралтат, кузе чыланат ик семын моткоч чаткан тарванылыт – ончен куанет. Канаш толшо рушла кутырышо уна-влакым нуно марла кушташ тыманмеш таратышт.

Тематический каныме касыш марий студент-влак уло кумылын коштыт. «Содыки, тунеммаш деч арнялан ик гана каналташ моткоч пайдале улмаш» — каласыш МарКУн экономике факультетыштыже тунемше Алина Ендылетова.