Могырым лывырташ да чоным кандараш моткоч шуко калык погынен, чылаже 170 еҥ. Каныме касым А. Веткин, Л. Кучера да А. Смирнов сӧрастареныт, а «Пеледыш» ансамбль калыкым курыкмарла кушташ таратен, кӱлеш лийын гын, туныктен.

Дискотеке курыкмарий-влаклан пӧлеклалтын гынат, тушко ятыр олыкмарий-влакат толыныт. Тидыже мемнан икоян улмынам ончыкта, вет ме чылан ик кугу ешын шочшыжо улына, икте-весе дене келшен илена.