Марий поэт Михаил Якимовын шочмыжлан 85 ий темме лӱмеш «Йывырталын йӱдым тольым ломберан Яҥгетсолаш» книга савыкталтын. Тушко тӱрлӧ ийыште Миклай Казаковын, Геннадий Матюковскийын, Алексей Мурзашевын, Гельсий Зайниевын да молынат возымо материалышт, шарнымаш, почеламут, фотосўрет-влак пуреныт.

Книгам Параньга район Матародо школышто туныктышо Эльвира Захарова чумырен. Ты савыктышым Россий писатель ушемын Марий Эл Республикысе пӧлкаже ямдылен. Тираж – 250 экземпляр.